Берілген тапсырмалар шеңберінде президенттік саяси реформалардың бірінші пакеті толығымен іске асырылып, төмендегілерді көздейтін 8 заң қабылданды:
- Қылмыстық кодекстің 174-бабы бойынша қылмыстық жазасын өтеген және құқық қорғау органдарының оң қорытындысын алған тұлғаларға қаржылық шектеуді жеңілдету;
- бейбіт жиналыстарды ұйымдастыру және өткізу үшін хабарламалық принципті енгізу;
- саяси партияларды құру үшін тіркеу кедергісін 40 мыңнан 20 мың адамға дейін төмендету;
- сайлауға түскен партия тізімінде әйелдер мен жастарға 30% арналған квота енгізу;
- парламенттік оппозиция институтын енгізу (2 заң);
- Қылмыстық кодекстің 130-бабын қылмыс деп танымау және 174-бапты ізгілендіру;
- Өлім жазасының күшін жоюға бағытталған Азаматтық және саяси құқықтар туралы халықаралық пактіге Екінші Факультативтік Хаттаманы ратификациялау.
Сонымен бірге әлеуметтік-экономикалық реформалар пакеті жүзеге асырылды. Атап айтқанда, пайдаланылмайтын жер телімдері үшін базалық салық мөлшерлемесі 10-нан 20 есеге дейін арттырылды; Ақмола, Шығыс Қазақстан, Қостанай және Маңғыстау облыстарында жерді ғарыштық мониторинг бойынша пилоттық жоба аяқталды (8,3 млн. га пайдаланылмайтын жерлер анықталып, оның 2,6 млн. га мемлекет меншігіне ерікті түрде қайтарылды); Есеп комитетінің тексерілетін мемлекеттік органдар мен ұйымдар бойынша аудиторлық қорытындылардың азаматтық нұсқаларын жариялауы қамтамасыз етілді; 16 квазимемлекеттік сектор кәсіпорындарының директорлар кеңесінің құрамына азаматтық қоғам өкілдері енгізілді; цифрланған мәліметтер базасы түрінде Сыртқы қарыздың бірыңғай реестрі әзірленді; Ұлттық қордан трансферттердің конвертациясы жайындағы ақпарат 2020 жылғы қаңтардан бастап ай сайынғы негізде жарияланады; 2030 жылға дейінгі ақша-несие саясатының стратегиясы бекітілді; шетелдік жұмыс күшін тартуға арналған квота 2019 жылғы 49 мыңнан 2020 жылы 29 мыңға дейін қысқартылды; шетелдік жұмыскерлерді тартатын кәсіпорындарда жыл сайын тексерулер жүргізу көзделді; 2020 жылы 12 оңалту орталығы ашылды, 2021 жылы – 8 орталық ашылды, 12 өңірде ірі оңалту орталықтарының құрылысын салу жоспарланған; ірі транзакциялар үшін төлемдерді қолма-қол ақшасыз бақыланатын форматқа ауыстыру мәселесі пысықталды және заңды тұлғалардың банктердегі ашаны қолма-қол ақшаға айналдыру кезінде шекті мөлшері белгіленді; кәсіпкерлік субъектілерінің ашық интеграцияланған деректер базасы құрылды; атаулы әлеуметтік көмек көрсету және балаларды кепілдендірілген әлеуметтік топтамамен қамтамасыз ету көзделді; көлік жүргізушілерге міндетті қағаз құжаттар саны азайтылды.