Іс-шаралар жоспары шеңберінде «Мектепке дейінгі тәрбиелеу мен оқытуды дамыту моделі» әзірленіп, бекітілді; барлық ТжКБ мемлекеттік мекемелерінде (454 бірлік) жан басына қаржыландыру нормативі енгізілді; БҒМ тарапынан тегін пайдалану құқығын бекіте ете отырып, оқулықтарды кезең-кезеңімен цифрлық форматқа көшіру жоспары әзірленді; ғылыми-практикалық сараптама мен оқулықтарды апробациялауға қойылатын талаптар арттырылды, «Білім туралы» Заңға оқулықтардың сапасы үшін әзірлеушілердің жауапкершілігін бекітетін екі норма енгізілді; оқытудың педагогикалық бағыттарына түсуге үміткерлерге қойылатын талаптар арттырылды (ҰБТ шекті баллы 60-тан 70 баллға дейін ұлғайды), педагогикалық білім алған түлектерді сертификаттау енгізіледі; болашақ мұғалімдерге арналған стипендия 26 мыңнан 42 мың теңгеге дейін артты, қазіргі таңда тағы 50 мың теңгеге дейін арттырылған; ЖОО оқытушыларының жалақысы көбейді, оның ішінде мемлекеттік білім гранты құнын арттыру арқылы (ұлттық ЖОО-да – 187 988 тг (67%), мемлекеттік ЖОО-да – 141 296 тн (38%); PhD докторантура бойынша гранттар құны орындардың санын 2 355-тен 1815-ке дейін қысқарту есебінен 1307 мың теңгеден 1900 мың теңгеге дейін артты; Тіл саясаты комитеті 2021 жылдан бастап ҚР БҒМ қарамағына өтті; докторанттардың стипендиясы 150 мың теңгеге дейін артты, қазіргі таңда ол тағы 172 мың теңгеге дейін арттырылды; ғылыми тағылымдамалардың шектік саны 5 жыл мерзімге жыл сайын 500-ге дейін ұлғайтылды; ғылыми және (немесе) ғылыми-техникалық қызмет субъектілерін базалық қаржыландыру 2021 жылы 480,074 млн теңгеге артып, 9 мемлекеттік органның 85 ғылыми ұйымдары үшін 5797,5 млн теңгені құрады; 2020 жылы 23 ғылыми ұйымның материалдық-техникалық базасы жаңартылды; ҚР БҒМ заңнамалық негізде мемлекеттік басқарудың тиімділігін арттыру үшін ғылым және ғылыми-техникалық қызмет саласындағы салааралық үйлестіруді жүзеге асыратын орган ретінде айқындалды; 2021 жылғы 1 қаңтардан бастап 247 мың медицина қызметкерінің жалақысы көтерілді (дәрігерлердің жалақысы орта есеппен 30%-ға, медицина қызметкерінің жалақысы 20%-ға); 16 модульдік инфекциялық ауруханалардың құрылысы аяқталды (жалпы төсек сыйымдылығы 3934 орын); Санитарлық-эпидемиологиялық бақылау комитеті құрылды; ҚР Бас мемлекеттік санитарлық дәрігерінің және аймақтардағы бас мемлекеттік санитарлық дәрігерлердің өкілеттігі кеңейтілді; Фармацевтика және медицина өнеркәсібін дамытудың 2020-2025 жылдарға арналған кешенді жоспары қабылданды.