Күн тәртібіндегі негізгі мәселе – мамыр айында өткен Ұлттық кеңестің 3-інші отырысында Президенттің берген тапсырмалары мен кеңес мүшелері тарапынан айтылған ұсыныстардың жүзеге асырылуы болды. Аталған 3-і отырыстың нәтижесі бойынша, 30 пунктіден тұратын жоспар қабылданған болатын, бұл құжат бойынша, әрбір ұсыныс қалай қаралып, қандай шешім қабылданып, қалай жүзеге асып жатқаны бойынша министр арнайы ақпарат берді.
Сонымен қатар, Ұлттық кеңес мүшелері Қанат Нұров, Гүлмира Илеуова, Асылбек Қожахметов, Айгүл Орынбек, Арман Қашқынбеков, Мұхтар Тайжан және Ерлан Саиров министр мырзаға жұртшылықты алаңдатып жүрген орта және жоғары білім саласындағы көптеген өзекті де өткір мәселелерге қатысты сұрақтарын қойып, өз пікірлерін жеткізді. Кездесу соңында, белгілі бір уақыт өткеннен кейін тағы бір талқылауды ұйымдастыру бойынша шешім қабылданды.
 |
 |
12.08.2020